Шупашкар муниципаллӑ округӗнчи Янӑшри вӑтам шкул Михаил Игнатьев ячӗпе хисепленсе тӑма пуҫланӑ. Ҫав ятпа савӑнӑҫлӑ мероприятие ӗнер, кӑрлачӑн 8-мӗшӗнче, ирттернӗ. Кун пирки Шупашкар районӗнчи тӗп пульницӑн тӗп тухтӑрӗ Владимир Викторов «Контактра» пӗлтернӗ.
Мероприятие кӑрлачӑн 8-мӗшӗнче ирттерни ытахальтен мар. 2010-2020 ҫулсенче Чӑваш Енӗн Элтеперӗ пулнӑ Михаил Васильевич ҫав кун ҫуралнӑ. Пурӑннӑ пулсан вӑл ӗнер 62 ҫул тултармаллаччӗ.
Ентешне сума суса Янӑшри шкулта арҫынсен командисен хушшинче волейбол ӑмӑртӑвӗ иртнӗ.
Шупашкар районӗнчи Вӑрманкаса (Хыркасси патӗнчине) маршрутка каллех ҫӳреме пуҫланӑ.
Асӑннӑ ялта пурӑнакансем яла общество транспорчӗ ҫӳреме пӑрахни пирки тӗнче тетелӗнче пӗр кунхине пӑшӑрханса пӗлтернӗ. 123-мӗш маршрутпа ҫынсене унччен микроавтобус турттарнӑ иккен, анчах авӑн уйӑхӗн 1-мӗшӗнче вӑл ҫула тухман.
Ҫак лару-тӑру пирки Чӑваш Енӗн Транспорт тата ҫул-йӗр хуҫалӑхӗн министерствине пӗлтернӗ. Халӗ каллех маршруткӑсем хутлама тытӑннӑ.
-3.7 °C